Орхон Енисей жазба ескерткіштер күні: дөңгелек үстел

Абай атындағы әмбебап кітапханада 25 қарашада «Орхон Енисей жазба ескерткіштер күніне» арналған дөңгелек үстел ұйымдастырылды.

Орхон-Енисей жазбалары — көне түркі жазба тарихи-мәдени ескерткіші. Көп уақытқа дейін сыры беймәлім, қай тілде жазылғандығы белгісіз болып келген. Орхон-Енисей жазбаларын руналық жазбалар деп те атайды. Қатысушыларға руникалық жазулардың тарихын, сыры мен зерттелу барысын, көне жазулардағы таңбалардың маңызын тарих ғылымдарының кандидаты А.Исин мен филасофия ғылымының кандидаты Е.Жітібаевтар жастарды қызықтыра әңгімелеп берді.

Шәкәрім атындағы университетінің доценті А.Ақтанова Орхон- Енисей ескерткіштерінің әдеби, тілдік зерттелу аспектілері туралы өз ойын ортаға салып, ескерткіштердегі «Күлтегін», «Білге қаған», «Тоныкөк» өлең-жырлар жөнінде, лексика-семантикалық қоры, жазылу стилі туралы қатысушыларға мол мағлұмат берді. Шараға Шәкәрім атындағы университетінің филология факультетінің, «Авиценна» колледжінің, электортехникалық және радиотехникалық байланыс колледждерінің студенттері қатысты.
Дөңгелек үстел барысында «Ұлы далаға орнаған Ұлы рух» фильмінен үзінді ұсынылды.