Ел еңсесін еселеген Елбасы: патриоттық байқау кеші

  • 27.11.2015

2015 жылы 26 қарашада Абай атындағы кітапхананың оқырмандарға қызмет көрсету бөлімі қызметкерлері 1- желтоқсан Қазақстан Республикасы президенті күніне орай қала колледждері арасында «Ел еңсесін еселеген Елбасы» атты патриоттық байқау кешін ұйымдастырды.

Ұйымдастырылған шараға қаладағы Семей көпсалалы колледжі, Көлік колледжі,Радиотехника және байланыс колледжі, Авиценна медициналық колледжі, Семей Бизнес колледжі және Р.Бәйсейтов атындағы қаржы-экономикалық колледжі студенттері қатысты.

27

Байқау үш кезеңнен тұрды. Олар: жастар арасындағы өр рухты ақындарымызды тану мақсатында «Жыр жазамын Еліме» аталымымен 1- кезең , 2- кезең «Менің Отаным- Қазақстан» қылқалам шеберлерін көру мақсатында,ал 3- кезең «Ән шырқаймын жүректен- Отан үшін!» деген атаумен аталып, студент жастарымыздың ортасында күміс көмей сыршыл әншіні тану мақсатында ән байқауы ұйымдастырылды.

Аталмыш іс-шара пердесі әнұранмен басталып, өз жалғасын байқауға сарапшы болған әділқазыларды таныстырумен кірістірілді. Әр кезең бойынша патриоттық сезімдерін көрсетіп, өз біліктіліктері мен білімдерін ортаға салған жастар бір-бірінен қалысқан жоқ.
Байқау соңында жүзден жүйрік, мыңнан тұлпар шыққан жеңімпаз болып «Жыр жазамын Еліме» атты ақындар сайысында 1 – орынды Семей көпсалалы колледжінің студенті Қамшыгер Жарқын, 2- орынды Бизнес колледжінің студенті Рахымжан Нұрым, 3- орынды Р.Байсеитов атындағы қаржы-экономикалық колледжінің студенті Қасымов Ерасыл алса, «Менің Отаным-Қазақстан!» сурет байқауы бойынша 1-орынды Авиценна медициналық колледжінің студенттері Омарханов Рустам, Сұлтанов Айдос, 2- орынды Семей көпсалалы колледжінің студенті Таукенова Гүлназ, 3- орынды Радиотехника және байланыс колледжінің студенті Рахметов Арнұр иеленді. Ал «Ән шырқаймын жүректен-Отан үшін!» кезеңінде 1- орынды Авиценна медициналық колледжінің студенттері Жалелова Айжан, Есемханов Аслан, 2- орынды Көлік колледжінің студенті Манатбеков Олжас, 3- орынды Р.Байсеитов атындағы қаржы- экономикалық колледжінің студенті Қасен Камила қанжығасына байлады.

Жеңімпаздарға кітапхана атынан сыйлықтар үлестіріліп, мадақтамалар берілсе,байқаудың жоғары деңгейде өтуіне өз үлестерін қосқан қатысушы студенттерге алғыс хаттар табысталды. Сондай-ақ, байқаудың қызықты әрі тартымды өз деңгейінде өтуіне көмек көрсеткені үшін аталмыш колледждің әкімшіліктеріне кітапхана әкімшілігі атынан алғыс хаттар берілді.

Ел бірлігін жарастырған, ел мейрамы- Елбасы күні, кітапхананың дәстүрлі мейрамдарының бірі десе де болады. Бұндай патриоттық байқаулар жастардың рухани сезімдерін оятып, Отанға деген сүйіспеншіліктерін арттыра түсуіне бірден бір себепші іс-шара. Байқауға қатысушы колледж ұжымдары іс-шараны ұйымдастырушы кітапхана қызметкерлеріне өз ризашылықтарын білдіре отырып,Елбасы күнімен құттықтай отырып, келешекте бірлесіп жұмыс атқаруға дайын екендіктерін жеткізді.