Президент жолдауы – болашаққа көзқарас: көрме, пікірталқы

2015 жылы 4 желтоқсанда Абай атындағы кітапхананың оқырмандарға қызмет көрсету бөлімі қызметкерлері Қазақстан Республикасының Елбасының 2016 жылғы халыққа жолдауы кітапхана пайдаланушылары арасында «Президент жолдауы – болашаққа көзқарас» тақырыбында кітап көрмесін ұйымдастыра отырып кең ауқымда талқылады.

Аталмыш көрмеге Елбасының әр жылдардағы жолдаулары мерзімді басылым беттерінен және ғаламтордан алынып, президенттің төл туындылары мен еңбектері қойылды. «Қазақстан жаңа жаһандық нақты ахуалда: өсу, реформалар, даму» деп аталатын осы жолғы жолдауында жаңа жаһандықтың нақты сын-қатерлері әлемдік дағдарыс жайында сөз қозғалды. Еліміздің дағдарысқа қарсы мүмкіндіктері «Нұрлы жол» Мемлекеттік инфрақұрылымдық даму бағдарламасы арқылы да іске асып жатқандығы жан-жақты айтылды. Сондай-ақ жолдаудағы «Дағдарысқа қарсы және құрылымдық жаңарулардың бес бағыты» бөлімін ой бөлісе отырып, талқыға салынды. Әр жылдарда Президентінің халыққа жолдауы- ел іргесін біріктіріп, кез-келген қиындықтар мен асау белестерді бірігіп бағындыруға жол ашатын саяси әрі Елбасылық қолдау. «Мен халқыма сенемін. Көк байрағымыздағы алтын қырандай еліміз кеңге қанатын жайып, асқар биіктерден көрінсін» деген жолдауда Елбасы. Әрдайым қазақ елі биіктерден көріне берсін дейміз ел болып. Іс-шара соңында қатысушылар «ел болашағы өсіп өркендесін деген ізгі тілекпен , болашаққа жарқын сеніммен» деп тарасты. Аталмыш жолдау жыл бойы кітапхана өз жалғасын таппақ.