Президент Жолдауы: болашаққа көзқарас: бейресми әңгіме
8 желтоқсан күні Абай атындағы кітапхананың оқу залында облыстық халықаралық «Қазақ тілі» қоғамының Вице-президенті Шарипбаев Орал Тоқтарұлының қатысуымен 30 қараша күні жарияланған Президент Жолдауын талқылауға қатысты бейресми әңгіме өткізілді.
Әңгіме барысында Орал Тоқтарұлы жастарға Президенттің 2016 жылға арнаған «Қазақстан жаңа жаһандық нақты ахуалда: өсу, реформалар, даму» атты Жолдауындағы басты басымдылықтармен таныстырып өз ойымен бөлісті. Жолдау қазақстанның даму болашағы мен негізгі бағыттарын нақты айқындап беретін 21 ғасырдағы маңызды құжат екенін айта келе, заманның күрделі кезеңдері де орын алып отырғанындығын, жаңа қаржылық қатерлер мен тың мүмкіндіктермен қатар өрбіген жаһандық ахуал көз алдымызда өзгеріп жатқанын атап өтті. Сондықтан осындай кезеңде әрбір азамат, жастар еліне қандай қолдау көрсете алатындығы жайында пікірімен бөлісіп, еліміздің өркендеуіне өз үлестерін қосудағы міндеттерін бағдарлап берді. Орал Тоқтарұлымен әңгімелесе келе жастар ел дамуына қатысты өз тараптарынан қойылған сұрақтарын талқылады. Бейресми әңгіме соңында бөлім қызметкерлері арнайы ұйымдастырылған көрмеге шолу жасап, мерзімді басылымдар беттеріне жарияланған ҚР Президентінің жаңа жолдаумен таныстырды.