Кітапхана оқырмандарының қанағаттанушылық деңгейі: сауалнама

2015 жылдың қараша-желтоқсан айларында кітапхана пайдаланушыларының арасында көрсетілетін қызмет сапасымен, кітапханадағы ыңғайлылықпен қанағаттану деңгейін анықтау мақсатында дәстүрлі сауалнама жүргізілген болатын.

2015 жылғы сауалнама талдауының нәтижесі бойынша қанағаттану деңгейінің орташа көрсеткіші 97,6% құрайды. Ол өткен жылмен (93,2%) салыстырғанда бірнеше пайызға жоғарлағанын байқаймыз. Яғни бұл дегеніміз жыл сайын қызмет көрсету сапасы артып, кітапханадағы ыңғайлылық жетілдіріліп, дәстүрлі және электрондық қызметтерге деген қолжетімділік артып отырады.

Барлығы сауалнамаға 168 адам қатысты, олардың көпшілігі 15 жастан 20 жасқа дейінгі жастар құрады– 64,9% (109 чел.), 21 жастан 30 жасқа дейінгілер – 14,3% (24 адам.), 30-40 жас аралығында – 7,7% (13 адам), 41-50 жас аралығында – 8,3% (14 адам), 51 жастан асқандар – 4,7% (8 адам). Сауалнамаға қатысқандардың 56,5%-ы әйел адам болса, 43,5%-ы ер адам болды. Білімі бойынша қатысушылар төмендегідей бөлінді: жоғары білімді – 40,5%, орта арнаулы білімді – 53,0%, орта білімі бар – 6,5% болды.

Оқырмандардың 64,9%-ы кітапханаға бірінші жыл келіп жүрген азаматтар, 18,5%-ы кітапхана соңғы бес жыл бойы келіп жүр, 8,3%-ы кітапханаға 10 жыл бойы келіп жүрген болса, 8,3%-ы кітапхананың 10 жылдан артық оқырманы болып жүрген азаматтар.

Сұралғандардың басым бөлігі – 82,7% (көбі студенттер),кітапханаға айына бірнеше рет келетін оқырмандар, 13,7%-ы кітапханаға айына бір рет келсе, 1,8%-дан кітапханаға 3 айда бір рет және жылына бір рет келетін оқырмандар болып табылады.

Оқырмандардың 91,1%-ына кітапхананың жұмыс тәртібі қанағаттандырады, ал 8,9%-ына кітапхананың жұмыс тәртібі қолайсыз боп келеді (дүйсенбі- демалыс күні, кітапхана 1800 дейін жұмыс істейді).

Кітапханадан өзіне қажетті ақпаратты оқырмандардың 86,4%-ы тауып жатса, 8,9%-ы кей-кездері ғана табады, ал 4,7%-ы қажетті ақпаратты мүлдем таба алмай кеткен.
Кітапхана пайдаланушыларының 98,8%-ы кітапханалық қызметтерді 5-10 минут күтсе, 0,6%-ы қызметтерді 10-20 немесе 20 минуттан да артық күткен кездері де болған.

Әрқашан да кітапханашының сыпайылығы мен зейініне оқырмандардың 94,6%-ы қанағаттанып жатса, 3,6%-ы кей-кездері қанағаттанса, 1,8%-ы көп жағдайда қанағаттанбайды.

Кітапханашының кәсібилігі мен біліктілігіне 94,6% оқырман қанағаттанса, 1,2% оқырман қанағаттанбайды, ал 2,4% кей-кездері ғана қанағаттанады екен.

Сауалнамаға қатысқандардың 93,5%-ы кітапхананың жайлылығына қанағаттанып жатса, 6,5%-ына кітапханадағы оқырманға деген жасалған жайлылық қажетті деңгейде емес деген пікір білдірді.
Кітапханада ұйымдастырылатын мәдени іс-шараларға оқырмандардың 91,7%-ы оң деген баға берсе, 7,7%-ы қатысып көрмеген болса, 0,6%-ына мүлдем іс-шаралар ұнамады.
Сауалнамаға қатысқан оқырмандар 100%-дай кітапханаға алдағы уақытта келуге ниет білдірсе, оның 98,8%-ы жақсы пікірде екенін білдіріп, 1,2% енжарлық пікір білдірді.

Кітапхана пайдаланушыларының қанағаттану деңгейі өте жоғары бағаланды. Ең төменгі пайыз 70 болса (2 адам белгілесе), ең жоғарғы пайыздық көрсеткіш 100 болды (85 адам, яғни сұралғандардың басым көпшілігі). Қанағаттану деңгейінің жалпы көрсеткіші 97,6% болды.

Кітапхана жұмысын жақсарту үшін оқырмандардың ұсыныстары төмендегідей: ғимараттың барлық қабаттарында Wi-Fi орнату, оқырмандарға арналған компьютерлер санын көбейту, оқырмандар залында жарықты көбейту, кітапханада шағын асхана, демалыс орындарын ашу, ғылыми-техникалық әдебиеттер қорын жақсарту болды.