Туған күн иесі: құттықтау сағаты
2015 жылдың 18 желтоқсанында Абай атындағы кітапханада «Исток» ҚБ бастамасымен мүмкіндігі шектеулі балаларға арналған «Туған күн иесі» атты мерекелік іс-шара болып өтті.
Бұл күні туған күндері қыс айларына келіп, осы жылды тәмамдайтын туған күн иелеріне сый-құрмет көрсетілді. Мұндай ерекше мұқтаж балаларға арнайы бағдарлама мен түрлі театраланған қойылымдар дайындалған. Балаларды арнайы әзірленген «Сыйлықтарды ұрлап кеткен қарақшылар» атты қойылым ерекше қызықтырды. Мүмкіндігі шектеулі балалар уақыттарын көңілді өткізіп, ән айтып, би билеп, әр түрлі ойындарға белсене қатысып отырды. Шара соңында туған күн иелеріне дәстүрлі түрде сыйлықтар беріліп, белсенді қатысқан балаларға тәттілер таратылды. Сонымен қатар барлық қатысушыларға арнайы дайындалған тәттілер мен шай берілді.