Қайым Мұхамедханов – ғалым, тұлға, қайраткер: мерейтойлық шаралар

  • 05.01.2016

Абай атындағы кітапханада 2016 жылдың 5 қаңтары күні Мемлекеттік сыйлықтың лауреаты, ғұлама абайтанушы, ҚазССР-і бірінші гимннің авторы, профессор Қайым Мұхамедхановтың 100 жылдығына арналған іс-шаралар топтамасы ұйымдастырылды.

01

Шаралар топтамасы «Ғалым, тұлға, қайраткер» тақырыбында экспозициаланған кең көлемді көрменің ашылу салтанатымен басталып, «Қайым Мұхамедханов атындағы білім және мәдениет орталығы» Қоғамдық Қорының құрастыруымен Абай Құнанбаевтың 170 жылдығы аясында және Қайым Мұхамедхановтың 100 жылдық мерейтойы қарсаңында Алматы қаласынан қазақ және орыс тілінде 1000 дана басылыммен жарық көрген «Қайым Мұхамедханов: хаттар сөйлейді» кітабы мен кітапхана сайтындағы «Ғалым, тұлға, қайраткер» тақырыбында ашылған http://semeylib.kz/?page_id=6408 виртуалды кітап көрмесінің тұсаукесерлерімен жалғасты.

02

Көрмеге Қ.Мұхамедхановтың өмірі мен шығармашылығы туралы, ғалымның зерттеген еңбектері, Қ. Мұхамедханов зерттеу еңбектерінде қолданған Абай оқыған сирек басылымдар топтамасы, Қ.Мұхамедхановтың 1937, 1943, 1946, 1949, 1959 жылдары «Екпінді», «Семей правдасы» газеттерінде жарияланған мақалалары, жерлесіміз өлкетанушы, ҚР Суретшілер Одағының мүшесі, этнограф, О.Қ.Бекбаевтың Қ.Мұхамедхановқа арналған граниттен, мрамордан, бронзодан жасаған творчестволық жұмыстары қойылды. Шара барысында мәдениеттанушы, ақын Қ.Нұрқасым «Семей -Алаш», «Жан аға» өлеңдерін орындап, жас ақындар шеруі ұйымдастырылды.

Аталмыш шараларға Қ.Мұхамедхановтың балалары, қаланың зиялы қаум өкілдері, мәдени мекемелердің қызметкерлері, Шәкәрім атындағы университеттің оқытушылары, Қ.Мұхамедхановтың шәкірттері, ақын-жазушылар мен БАҚ өкілдері қатысты.

Кітап көрмесі жыл соңына дейін өз оқырмандарын күтеді.