Ересектер кітапханасындағы балалар

  • 03.02.2016

Осы аптада «ересектер» кітапханасы түрлі –түсті, әдемі баспаларды көріп керемет, ерекше әсер алған балалардың сезіміне толы болды.

Балет мектебінің оқушылары өздерінің жетекшілерімен «Балауыздан жасалған мүсіндер» мұражайына келген еді, осы мүмкіндікті пайдаланған олар кітапхананы сондай бір қызығушылықпен көріп шықты. Әрине, олар «ересектер» кітапханасында балаларға арналған басылымдарды көреміз деп ойламаған болатын.

04

Оқу залында олар балаларға арналған әр түрлі әсерлі, көркем энциклопедиялармен, оқырмандарға қызмет көрсету бөлімінде балаларға арналған түрлі кітаптармен танысты. «Талғамға талас жоқ» дегендей, кітап патшалығында әрқайсысы қызықты әңгімелер, сиқырға толы ертегілер, таңғажайып оқиғалар тапты. «Ересектер» кітапханасы балалардың кітапқа деген қызығушылығын оятты. Кітапхананы кітапсыз, оқырмансыз елестету мүмкін емес, сондықтан біз болашақ кітап сүйгіш оқырманды тәрбиелеуіміз керек. Мүмкін біз Совет өкіметі кезеңіндегі жанұялық оқу дәстүрін жандандырып, кітаптың технологиялық ақпараттық әлемде лайықты орын алатынына сенімдіміз.