Кітапханаға саяхат

Абай атындағы кітапхананың қызметкерлері 4 қаңтар күні №17 жалпы білім беретін мектептің 9 «А» сынып оқушыларына экскурсия жүргізіп, оқушыларды кітапхананың тарихымен және бөлімдердің қызметтерімен таныстырды.

Оқушылар кітапхананың сирек қоры бойынша жасақталған «Ғасырлармен үндескен асыл қазына» және Қ.Мұхамедхановтың туғанына 100 жыл толуына орай ұйымдастырылған «Ғалым. Тұлға. Қайраткер» тақырыбындағы кең көлемді экспозицияланған кітап көрмелерімен танысып, мол ақпараттар алды. Оқушылар «Қайым Мұхамедханов атындағы білім және мәдениет орталығы» Қоғамдық Қорының құрастыруымен Қайым Мұхамедхановтың 100 жылдық мерейтойына Алматы қаласынан қазақ және орыс тілінде 1000 дана басылыммен жарық көрген «Қайым Мұхамедханов: хаттар сөйлейді» кітабымен, жерлесіміз өлкетанушы, ҚР Суретшілер Одағының мүшесі, этнограф, О.Қ.Бекбаевтың Қ.Мұхамедхановқа арналып жасаған жұмыстарына аса қызығушылық танытты. Экскурсияға келген 18 оқушы кітапхананың оқырманы болып тіркеліп, 3 айлық тегін ағылшын курсына 10 оқушы жазылды.