Шығыс Қазақстан жерінің аңыздары: видео-сұхбат
Абай атындағы кітапхана М.Әуезов атындағы педагогикалық колледжінің жобалық қызметтерімен әріптестік байланыстарын жалғастыруда. 9 ақпан күні өткен видео-сұхбат жобамыз халық ауыз әдебиетінің бірі – аңыз тақырыбына арналып отыр.
«Шығыс Қазақстан жерінің аңыздары» жобасына Аралова Айкүмус Нурахметқызы жетекшілік етеді, ал жобаны орындаушы «Бастауыш білім» факультетінің студенті Галяндина Юлия. Шығыс Қазақстан табиғи ресурстарға бай және табиғат сұлулығымен көркем елді мекен. Маржанды Алтай, Марқакөл, Зайсан, Тарғыбатай ерекше табиғат орындары. Аталған табиғат объектілерінде халық қоныстанған және атадан балаға тарап келе жатқан аңыздарға орай сол жерлердің аты табиғатпен тығыз байланысты болып аңыз атаулары сақталып қалған. Ол аңыздарды аймақтың географиялық атаулары деуге болады. Аймақтағы осындай географиялық аңыздарға қатысты басылымдар мен зерттеулер, жалпы кітаптардың шоғырланған ортасы кітапхана болып табылады. Абай атындағы кітапхананың қоры аймақтың аңыздарынан ақпараттар беретін сирек басылымдарға, заманауи анықтамалық аппарттарға бай. Аталған іс-шараға «Сто легенд казахской земли» (4-х томдық), О. Жанайдарованың Легенды древнего Казахстана , Г.Н. Потаниннің «Казахский фольклор», жергілікті мерзімді басылымдар, кітапхананың электрондық ресурстары, сирек басылымдар қорындағы «Записки Семиполатинского подотдела Западно-Сибирского Отдела Русского Географического Общества» кітаптары ұсынылды.
Кітапхана қызметкерлері «Туризмдегі өлкетану» жобасы аясындағы Шығыс Қазақстан жерінің аңыздарына қатысты мәліметтерді жинақтау жұмыстарын жүрігізе бастады. Қазақстанда 2017 жылы халықаралық ЭКСПО көрмесі өтеді, соған орай келген қонақтардың тарапынан қазақ халқының мәдениетіне жоғары назар аударылады, сондықтанда аңыздарға қатысты мәліметтер әрқашан жоғары сұранысқа ие болды деуге әбден негіз бар.