Теңдессіз сыйлық: «Мәңгілік Ел» Республикалық үгіт пойызы делегацияларынан сыйлық

  • 22.02.2016

Ақпан айының 22-ші жұлдызы күні с.14:30-да Қазақстан Тәуелсіздігінің 25 жылдығына орай ұйымдастырылған жалпыреспубликалық «Мәңгілік Ел» үгіт пойызы» акциясы аясында жолға шыққан делегация Абай атындағы кітапханаға ат басын тіреді.

23

«Мәңгілік Ел» республикалық экипажы қатысушылары тобының бірі кітапханаға келген бойда дөңгелек үстел ұйымдастырып, Семей қаласы Қазақстан халықтары Ассамблеясы мүшелерімен, Мұхтар Әуезов атындағы педагогикалық колледж студенттерімен, кітапханашылармен, кітапхана пайдаланушыларымен кездесті. Кітапханаға саяхат жасап, «Тәуелсіздікке 25 жыл» тақырыбындағы кітап көрмесін тамашалады.

23a

Іс шара соңында «Теңдессіз сыйлық» акциясын ұйымдастырып, кітапханаға кітаптар сыйға тартты. Сыйға тартқан кітаптардың ішінде: Е.Тоғжанов, Ә.Әбдәкімовтердің «Н.Назарбаев: Бейбітшілік және коғамдык келісім идеясы», А.Е.Асанбаев «Қазақстан халқы Ассамблеясы: алғашқы қадамдар (1995-1997жж.), І.Еесенберлиннің «Көшпенділер» трилогиясы т.б. басылымдар бар. «Мәңгілік Ел» республикалық экипажы қатысушылары «Мәңгілік Ел» идеясын жеткілікті түсіндіріп, бес институционалдық реформаны жүзеге асыру мәселесін кеңінен талқылау барысында «Тәуелсіздігіміздің тарихы – табысты еліміздің ұлы шежіресі» атты дәріс-презентациясын оқып, тыңдармандар сұрақтарына жауап берді.