Бейбітшілік пен келісім күні: фототренинг
1 наурыз күні Абай атындағы кітапхана мүмкіндігі шектеулі адамдарға арналған «Объектив» фотоклубы аясында «Бейбітшілік пен келісім күні» тақырыбында фототренинг ұйымдастырды.
Бұл жолғы іс-шара қаламызға келген балықтар көрмесінде болып өтті. Көрме ұйымдастырушыларына бізді бұл көрмеге тегін түрде өткізгендері үшін ерекше алғыс білдіреміз!
Фотоклуб мүшелері көктемнің алғашқы күнінде көрмеде ұсынылған әдемі балықтарды фотосуретке түсіріп, Елбасымыз бекіткен Ризашылық күнінде айналамыздағы адамдарға алғысымызды айтып, көпұлтты елімізде Қазақстан Республикасы деп аталатын бір шаңырақтың астында отбасындай тату-тәтті өмір сүріп жатқанымыз үшін алғыс айтуға ниеттеніп жатты.
Клуб мүшелері көрмедегі көптеген экзотикалық балықтарды алғаш рет көріп, түрлі фотосуреттер жасады. Тренинг барысында балалар фотоаппараттың жарқылынсыз және қозғалыстағы балықтарды дұрыс түсіруді үйренді. Кейбір балалар алғаш рет келгендіктен мүмкіндігінше фотоаппаратты дұрыс ұстауды меңгерді.