Қош келдің, Рождество! : әдеби-сазды кеш
23 желтоқсан күні Абай атындағы кітапханада христиан әлемінің басты мерекесі – Рождество мейрамы қарсаңына «Қош келдің, Рождество!» тақырыбында әдеби-сазды кеш ұйымдастырылды. Іс-шараға қаладағы №6 мектеп-гимназиясының оқушылары қатысты. Қатысушылар аталмыш мейрамның тарихымен таныса отырып, мейрамда жасалатын ырымдар мен дәстүрлерден құлағдар болды. Оқушылар ағылшын тілінде ұйымдастырылған жұмбақ шешу, би билеу, сөз құрастыру байқауларына белсенді түрде қатысты. Іс-шара соңында келушілер Рождество мейрамына арналған «I wish Merry Christmas», «Jungle bells» әндерін орындады. Шара соңында қатысушыларға сыйға кітаптар беріліп, тәттілер үлестірілді.
