Қазақстан, Ресей және шетелдік жазушыларының арасындағы 2017 жылғы мерейтой иелері: әдеби фестиваль

Ағымдағы жылдың 6 қаңтары күні Абай атындағы кітапханада әлем елдері жазушыларының мерейтойлары ескеріле отырып, «Қазақстан, Ресей және шетелдік жазушыларының арасындағы 2017 жылғы мерейтой иелері» тақырыбында іс-шара ұйымдастырылды. Шараға Қазақ гуманитарлық инновациялық заң университетінің студенттері қатысты. Шарада тақырыпқа сай әртүрлі байқаулар ұйымдастырылып, ағылшын, орыс тілдерінде ойын ойнатылып, викториналық сұрақтар қойылды.

Сүйікті кітапты атаумен қатар танымал образдарды табу сәті қатысушыларды қызықтыра түсті. Сондай-ақ «Қара жәшік» байқауы да студенттердің білімін тексеруге үлкен жол ашты. Бұл ойында арнайы жәшікке әрбір шығармадағы танымал заттар салынып, олар қай әңгіме арқауы болғандығы табылуы ұсынылды. Студенттер өз білімдерінің жоғары деңгейде екендіктерін көрсете білді. Ағылшын тілінде ұйымдастырылған байқауда студенттер жазушылардың өмірбаянымен ағылшын тілінде танысып, викториналық ойын ойнады.

Аталмыш іс-шара соңы «Мерейтой иелері – 2017» тақырыбындағы кітап көрмесіне шолумен аяқталды. Іс- шараға белсенді қатысқан қатысушыларға кітапхана атынан сый тарту жасалды.