Ғажайыптар әлеміне саяхат: саяхат- сабақ

  • 30.01.2017

28 қаңтар күні Абай атындағы кітапхана қызметкерлері №8 балалар үйінде ағылшын жазушысы, талантты математик Льюис Кэрроллдың 185 жасқа толуына орай саяхат-сабақ ұйымдастырды.

Ертегі тұнып тұрған қиял-ғажайып. Ертегілер балаларды қиял қанатында түрлі уақыттар мен әлемдерге әкетіп, мейірімділікке, адалдыққа, батылдыққа үйретеді. Кэрроллдың кітаптары – шынайы өмір мен қиял араласқан ертегілер. Жазушының 1864 жылы жазылған «Алиса ғажайыптар елінде» атты шығармасы әлем ертегісіне айналды, оған мультфильм, кино да түсірілді.

Алисаның саяхаты – бұл адамның қиялы, ондағы кейіпкерлер балаларға жақын, себебі олар ересектердің өмірінен бөлек. Қоян ініне түсіп қалған Алиса автордың керемет қиялы арқасында әлемге әйгілі болды.
Шара соңында әсем безендірілген ертегілер туралы кітаптар, аудио, бейнефильмдерге шолу ұсынылып, көгілдір экраннан «Алиса ғажайыптар әлемінде» атты мультипликациялық фильм көрсетілді. Балалар ертегі жайында түрлі викториналық сұрақтарға жауап беріп, өздерінің таным-білімдерін көрсетті.