Екі елдің білім алмасу бағдарламасы: дөңгелек үстел

7 ақпан күні Абай атындағы кітапханада Америка сөресі аясында АҚШ елшілігінің қолдауымен, АҚШ тын Қазақстандағы Елшілігінің мәдениет және білім жөніндегі атташесі – Мэтью Уилсон, үйлестіруші – Т.Мұқатаева ҚазИЗУ, Шәкәрім университеті студенттері және кітапхана пайдаланушыларымен кездесуде болды. Шетел әдебиеттер бөлімі қызметкерлері кеш қонақтарын көпшілікке таныстыра отырып, арнайы жасақталған «Америка білімі, мәдениеті, өнері» тақырыбындағы кітап көрмесіне шолу жасады. Іс- шара барысында студенттер қызықты ақпараттарды тыңдай отырып, аталмыш тақырып бойынша көптеген сауалдар қойып, жауап алды, сонымен қатар Мэтью Уилсон өз өмірі, отбасы жайында әңгімесінен кейін, кешке қатысушыларға «Білім алмасу бағдарламалары туралы не білесіздер?», «Қандай бағдарламалармен таныссыздар?», «Қай бағдарламалар қызықтырады?» деген тақырыптарда білім саласы бойынша сұрақтар қойды. Студенттер кеш қонағынан білім алмасу бағдарламалары бойынша құжаттарды қайда жолдау қажеттіктері жөнінде және қай деңгейде білім талап етілуі жайында т.б. ақпараттар алды. Сонымен қатар үйлестіруші Т.Мұқатаева АҚШ елшілігі бойынша мәдениет, білім алмасу бағдарламалары туралы айтып өтті. Іс-шара соңында қонақтарға кітапхана атынан кітаптар сыйға тартылды.