Болашақ энергиясы – ЭКСПО-2017: дөңгелек үстел
2017 жылдың 17ақпан күні Абай атындағы әмбебап кітапханасының қызметкерлері гуманитарлық-заң және техникалық колледжінің студенттеріне «ЭКСПО 2017 – болашақ энергиясы» тақырыбында дөңгелек-үстел өткізді. Шара барысында Бүкіләлемдік көрме жайында қызықты фактілер мен оқиғалар және Халықаралық көрмелер бюросының жұмыстары жайында көптеген мәліметтер беріліп, көрменің маңыздылығы жағынан ірі экономикалық форумдармен, туристік тартымдылығы бойынша әлемдегі ең танымал спорттық ойындармен салыстыруға болатындығы айтылды. Шараға қатысушылар назарына әр елде өткізілген Халықаралық көрмелердің бейнедеректері ұсынылды. Осы көрмелерде алғаш рет қонақтар назарына ұсынылған қызықты 10 дерек: телефон, фонограф, рентген аппараты, көзбен шолу дөңгелегі, ұялы телефон, сенсорлы экран және басқа да өнертабыстары туралы мәліметттер тындаушылардың қызығушылығына ие болды.
Сонымен қатар, Қазақстанда ЭКСПО – 2017 көрмесін өткізу үшін жүргізіліп жатқан құрлыс жұмыстары, жаңа технологиямен, яғни күн, жел, жер мен судан алып жатқан қуаттарды пайдалана отырып салынып жатқан көрме кешендері жайлы мағлұматтар берілді. Дөңгелек үстел барысында колледж студенті Жақсыгелді Құмашев белсенділік танытып, ЭКСПО-2017 дегі «Жасыл энергия» туралы сұраққа толыққанды жауап берді. «Болашақ қуаты» атты деректі фильм көрсетіліп колледж студенттері ЭКСПО-2017 –де қандай жаңа технологиялар қолданылатынын білді.
