Алашорда – тәуелсіздік бастауы: онлайн конференция

2017 жылдың 21 ақпан күні ШҚО Абай атындағы кітапханада Алашорда Үкіметінің 100 жылдық мерейтойы аясында «Алашорда – тәуелсіздік бастауы» атты тақырыпта Ж. Молдағалиев атындағы Батыс Қазақстан облыстық кітапхана және Сырым аудандық Жымпиты орталықтандырылған кітапханалар жүйесімен үш жақты онлайн-конференция болып өтті.

ХХ- ғасырдың басында Семейде Алашорда үкіметінің Шығыс бөлігі орналасса, Жымпиты жерінде батыс Алашорда үкіметі ту тігіп, тұңғыш қазақ мемлекеттілігі идеясының негізі қаланды. Семей мен Жымпитыда қазақ зиялыларының бір тобы шоғырланды. Олардың көзқарастары әртүрлі болғанымен, жалпы бағыты тәуелсіз қазақ елін құру болатын.

Онлайн-конференцияға батыстан тарихшы, алаштанушы ғалымдар Д. Сүлейменова, Б. Боранбаева, Ж. Ақбай, Е. Хайдаров сияқты ғалымдар қатысса, Семейден филология ғылымдарының докторы, профессор, А.А.Еспенбетов, тарих ғылымдарының кандидаты, профессор М.Қ. Кәрімов, тарих ғылымдарының кандидаты, профессор А.Исин, тарихшы-журналист, алаштанушы М.М.Кенемолдин, алаштану ғылыми-зерттеу орталығының директоры, ф.ғ.к. Т.Шаңбай, тарихшы-ғалымдар М.Мұхамаидұлы, А.Мұхаметбек қатысып ел тәуелсіздігін, еліміздің егемендігін аңсап кеткен ұлт зиялылары Ә.Бөкейхан, Ә. Ермеков, А. Қозбағаров, М. Тұрғанбаев, Ж. Тілеулин, Х. Досмұхамедов және т.б. туралы тарихи деректермен бөлісті. Батыстағы және шығыстағы онлайн-конференцияға қатысып отырған жас өрендер Алаш қайраткерлерінің өлеңдері мен арнау өлеңдерін оқып, осы конференцияға сирек басылымдардан «Алаштың асыл мұралары» атты кең көлемді кітап көрмесі ұйымдастырылып, шолу жасалды.