Жолдау: жылдан жылға, ЭКСПО – 2017 Астана: слайд-дәріс

Шығыс Қазақстан облыстық Абай атындағы әмбебап кітапханасының қызметкерлері «Жолдау: жылдан жылға» және «ЭКСПО – 2017 Астана» тақырыбындағы екі дәрісті Семей қаласы ішкі істер Басқармасында өткізіп қайтты. Ішкі істер Басқармасының қызметкерлерін Ел Президенті Н.Ә.Назарбаевтың 2017 жылғы халыққа Жолдауының негізгі ережелерімен таныстырды. Президентіміз басты назар аударып отырған Үшінші жаңғыртудың бес басымдықтарына: ұлттық экономиканы жеделдете жаңғырту мен технологиялық экономика, бизнес-ортаны түбегейлі өзгерту жәңе жетілдіру; макроэкономикалық тұрақтылық; адам капиталының сапасын жақсарту; институционалдық қайта құру; ел қауіпсіздігі және сыбайлас жемқорлыққа қарсы күрес бағыттарына тоқталып өтті.

«ЭКСПО -2017 Астана» слайд-дәрісі биылғы жылы Астана қаласында өткізілетін Дүниежүзілік көрменің ұйымдастырылуында пайдаланылып жатқан жаңа технологиялармен, сонымен қатар, күн, жел, жерден алынып жатқан қуат көздерінің ерекшеліктерін, ЭКСПО көрмесінің шығу тарихымен, бүкіләлемдік көрмелерге қойылған өнертабыстар туралы қызықты ақпараттарды қатысушылар ерекше қызығушылықпен қабылдады.

Дәріс барысында қатысушылардың назарына «Болашақ энергиясы» атты бейне-көрсетілім мен «ЭКСПО- 2017» бейнеролигі ұсынылды.