ЭКСПО-2017 – жарқын істер бастауы: ақпарат сағаты

1-ші наурыз күні Абай атындағы әмбебап кітапхананада «ЭКСПО-2017 – жарқын істер бастауы» атты Семей қаласындағы Қалматаев атындағы медициналық колледж студенттеріне ақпараттық сағат өткізілді. Мақсаты: оқушыларды Қазақстанның жетістіктерімен таныстыру, «ЭКСПО-2017» халықаралық көрмесіне деген қызығушылықтарын арттыру.

Колледж студенттеріне Бүкіләлемдік көрме жайында қызықты фактілер мен оқиғалар және Халықаралық көрмелер бюросының жұмыстары жайында көптеген мәліметтер беріліп, көрменің маңыздылығы жағынан ірі экономикалық форумдармен, туристік тартымдылығы бойынша әлемдегі ең танымал спорттық ойындармен салыстыруға болатындығы айтылды. Сонымен қатар, Қазақстанда ЭКСПО – 2017 көрмесін өткізу үшін жүргізіліп жатқан құрлыс жұмыстары, жаңа технологиямен, яғни күн, жел, жер мен судан алып жатқан қуаттарды пайдалана отырып салынып жатқан көрме кешендері жайлы мағлұматтар берілді. Аталмыш шара барысында студенттер өздерін толғандырып жүрген сұрақтарын қойып, жауаптарын алды.

Ақпарат сағаты «ЭКСПО-2017 – Қазақстанның болашағы» атты кітап көрмесіне қойылған әдебиеттерге библиографиялық шолу жасалып, қорытындыланды.