Медицина саласындағы жаңа басылымдар: ақпараттық сағат

1 наурыз күні Абай атындағы кітапхана қызметкерлері қаламыздағы медицина университеті, Қалматаев атындағы медициналық колледжі және «Авиценна», «Семей» медициналық колледждерінің оқытушылары мен студенттеріне «Медицина саласындағы жаңа басылымдар» тақырыбында ақпараттық сағат өткізді. Кітапхана қоры медицина ғылымына байланысты қазақ және орыс тілдерінде 60 тан астам жаңадан келіп түскен кітаптар және оқулықтармен толықтырылды. Атап айтсақ: Қазақстан Республикасының мемлекеттік фармакопеясының 1-ші томы, Б.Х. Хабижанов, С.Х. Хамзиннің екі томдық «Педиатрия» оқулығы, С.Б.Жәутікованың «Стоматология» мамандығына арналған «Патологиялық физиологиясы», У.И. Кенесариеваның «Общая гигиена», Е.А. Тайгулованы «Факультетская хирургия», «Медицинская техника», В.С. Камышниковтың «Методы клинических лабораторных исследований», Л.Качанова, Р.Сидорова, Н.Шапекованың «Лечебная физическая культура и массаж», Синельниковтардың «Атлас анатомии человека» (4 томдық) және т.б. кітаптары ұсынылды. Аса қызығушылық тудырган Г.Билич, Е.Ю. Зигалованың «Анатомия человека. Русско-латинский медицинский атлас» кітабы отандық және шетелдік әдебиеттегі екітілді заманауи жалғыз сөздік болып табылады. Атласта 600 ден астам суреттер сала бойынша орналастырған. Атлас қалтаға салып жүруге және пайдалануға өте ыңғайлы. Кітапта әр тақырып белгілі бір түспен белгіленген. Мысалы: тірек-қимыл аппараты -сарымен, тыныс алу жүйесі – көкпен, жүрек-тамыр жүйесі – қызылмен, жүйке жүйесі – жасылмен иллюстрацияланып берілген. Күні бойына шақырылған медицина оқу орындарының оқытушылары мен студенттері жаңа кітаптар топтамасымен танысып, шолу тындады. Бұл кітаптар топтамасы өзінің көркемділігі және танымдылығымен ерекше тартымды әсер беріп, біраз оқулықтар пайдалануға алынды. Көрмеге барлығы 63 кітап қойылды.