Анамның жарқын мейрамы: мерекелік әдеби-музыкалық концерт

2-ші наурыз күні Абай атындағы облыстық әмбебап кітапханасы балалар бөлімінің пайдаланушылары 8 наурыз Халықаралық әйелдер күні мерекесіне орай аналарына, мүмкіндігі шектеулі балаларға арнап арнайы дайындаған мерекелік әдеби- музыкалық шашуларын тарту етті. Мұндай шарапатты шараны өткізу біздің кітапханада игі дәстүрге айналып отыр.

Шара барысында балалар келген қонақтарға ән айтып, би билеп, тақпақтарын оқып, «Мақта қыз бен мысық» атты ертегіден шағын көрініс қойып, келген қонақтардың көңілдерін көтерді. «Әжемнің сүйікті ертегілері» атты кітап көрмесі де оқырмандар назарынан тыс қалмады. Кеш соңында мүмкіндігі шектеулі ана Смирнова Людмила Анатольевна балаларға өзінің ризашылдығын білдіріп, мерекелік тарту ретінде «Оренбурский пуховый платок» әнін нақышына келтіре орындап берді. Шара соңында мүмкіндігі шектеулі балаларға тәттілер мен сыйлықтар таратылып, «Шебер қолдар» үйірмесінің мүшелері өздерінің қолдарынан жасаған сыйлықтарын аналарына тарту етті. Мерекелік бағдарлама жоғары көтеріңкі көңіл-күймен өтті. Көктемнің төл мерекесі халықаралық әйелдер күні құтты болсын!