Арулар асыл жандар: мерекелік концерт

8 – наурыз – тамаша мереке, көктем мерекесі, табиғаттың оянатын мезгілі. Бұл күні ең жылы сезімдер, қайырымдылық пен кішіпейілділік, үміт пен сенім, махаббат пен адалдық бірігеді. Осы тамаша күнге орай 5-ші наурыз күні Абай атындағы облыстық кітапхана «Казачий стан» қоғамдық бірлестігімен 8- наурыз халықаралық әйелдер күніне орай «Арулар асыл жандар» атты мерекелік концерт ұйымдастырды. Кітапхананың үлкен залында соғыс және еңбек ардагерлері, арулар, көп балалы аналар, мүмкіндігі шектеулі әйелдер және т. б. жиналды. Шара барысында нәзік жандыларға Павлодар қаласының «Прииртышские казаки» хоры, «Поречье» ансамблі, Семейдің «Казаки «Прииртышья» хоры өздерінің мерекелік сәлемін жолдады. Барлық музыкалық қойылымдар аналар, махаббат, көктем тақырыбына арналды. Іс-шара бойы ең нәзік және жылы алғыс сөздер мен құттықтаулар аяулы әйелдер үшін айтылып, қошамет көрсетіліп отырылды.

Барша нәзік жандылырды шұғылалы көктемнің алғашқы мерекесімен – шын жүректен құттықтаймыз. Дендеріңізге саулық, отбастарыңызға амандық тілейміз! Көңілдеріңіз көктемдей болсын, өмірлеріңіз мәнді, сәнді қуанышқа толсын!