Әйелдер күніне 8 түрлі кітап топтамасы: пікірталас

  • 07.03.2017

Көктемнің осынау шуақты күні, асыл жандар, сұлу жандар мерекесі қарсаңында, «Әйелдер күніне 8 түрлі кітап топтамасы» тақырыбымен «Диалог» әдеби салонының кезекті отырысы жалғасын тапты. Бұл күн тамаша мереке, көктем мерекесі, табиғаттың оянатын мезгілі. Ең жылы сезімдер – қайырымдылық пен кішіпейілділік, үміт пен сенім, махаббат пен адалдық бірігеді. 8 түрлі кітап топтамасы осы сезімдерді кеңінен камтиды. Решат Нүри Гюнтекиннің «Бозторғай» шығармасы «Ең романтикалық» кітап болып іс-шараның алғашқы пердесін ашса, ал «Домашнее меню современной хозяйки» кітабы «Ең дәмді» номинациясымен тәмәмдады. Сонымен қатар, Ж. Бенцонидің «Невеста из Версаля», Н. Павлищеваның «Незнакомая Шанель», М. Митчеллдің «Унесенные ветром» және т.б. туындылары топтастырылды. Қонақтар әлемдік әдебиеттегі жауһарлардағы әйел тағдыры жайындағы өз ойларын ортаға салып, пікір алмасты. «Әйелдер күніне 8 түрлі кітап топтамасы» бейнеролик көрсетілуімен аяқталды.