Орманды өрттен сақтаймыз: қалалық колледждер слеті
«Саябақтар маршы – 2017» халықаралық науқаны аясында Абай атындағы кітапхана 28 сәуір күні «Орманды өрттен сақтаймыз» тақырыбындағы кезекті жетінші қалалық колледждер слетіне катысты. Жарысқа қала колледждерінің студенттері қатысты.
Қалалық слет «Қала сыртындағы орман шаруашылығы» базасында өтті. Шара бағдарламасы өмір қауіпсіздігі негіздері білімін арттыруға және ерекше қорғалатын табиғи аумақтарда өзін-өзі қалай ұстау керектігін насихаттауға бағытталған. 14 түрлі жарыстар мен зияткерлік сайыстар барысында, әртүрлі туристік сайыстар, орманда алау жағу және сөндіру ережелерінен тренинг, өрт сөндіру эстафетасы, алғашқы медициналық көмек көрсету, жергілікті жерді бағдарлау, орманды қалпына келтіруге бағытталған сұрақ-жауап түріндегі сайыстар өткізілді. Кітапхана қызметкерлері “Эколото” ойынын ұйымдастырып, қатысушы командалар табиғатта жүріп-тұрудың ережелерін жасақтап, ұсынылған қоқыстың жерде өмір сүру мерзімін анықтады.
Сайыс қорытындысы бойынша келесідей орындар тағайындалды:
бірінші орынды – Евразиялық гуманитарлық-техникалық колледжі;
екінші орынды – Д.Қалматаев атындағы медициналық колледжі;
үшінші орынды – Байланыс және радиотехника колледжіне берілді.
Ұйымдастырушылар тарапынан сайыс жеңімпаздарына дипломдар мен арнайы сыйлықтар табысталды. Аталмыш шараға командалар белсене қатысып, өздерінің жан-жақты дайындықтарын көрсете білді.
