Мемлекеттік рәміздер – ұлт мақтанышы: патриоттық кеш
2 маусым күні Абай атындағы кітапхана қызметкерлері Қазақстан Республикасының Мемлекеттік рәміздерінің 25 жылдығына орай «Мемлекеттік рәміздер – ұлт мақтанышы» тақырыбында радиотехника және байланыс колледжінде жастарды отансүйгіштікке, елжандылыққа дәріптеп, жерін, тарихын қадірлеуге бағытталғын патриоттық кеш өткізді.
Мәдени шара барысында тәуелсіз елдің ұлттық нышандары, тәуелсіздікті білдіретін мемлекеттік рәміздердің тарихы жайлы мағлұматтар беріліп, қатысушыларға Ата заң, Ту, Әнұран, Гербтің символикалық айырым белгілері туралы түрлі сауалдар қойылып, қатысушылар белсенділікпен жауап берді.
«Ту, Елтаңба, Әнұран – тірегіміз, туған ел деп соғады жүрегіміз» атты ұйымдастырылған кітап көрмесіне қойылған «Қазақстан Республикасының Конституциясы», Ә.Нысанбаевтың «Тәуелсіздік. Демократия. Гуманиз», Е.Шаймерденовтың «Елтаным», «Шаңырақ пен шырақ», «Моя Родина Казахстана», И.В. Ерофееваның «Символы Казахской Государственности», «Ел басы мәртебесі – Ел мәртебесі» т.б кітаптар мен мерзімді басылымдар студенттер назарына ұсынылды.
