Астана тарих толқынында: кең көлемді кітап көрмесі

1 шілде күні Абай атындағы әмбебап кітапхананың оқу залында Астана қаласының туған  күніне орай «Астана тарих толқынында» атты кең көлемді кітап көрмесі ұйымдастырылды.

Көрменің мақсаты – бүкіл әлемге танылған Қазақстанның жауһары атанған Астанамыздың өткені мен болашағы және еліміздің дамуына қол жеткізген елбасы Н.Назарбаевтың ерен еңбегі туралы әдебиеттер мен басылымдардың мол қорын дәріптеу арқылы,  өскелең ұрпақтың патриоттық сезімін ояту, жастар мен жасөспірімдердің кітап пен оқуға деген қызығушылықтарын арттыру.

Астананың көрікті тарихи және мәдени орындарымен, әсем ғимараттарымен таныстыруда келушілерді құнды, жаңашыл ақпараттарымен қарсы алатын кітап көрмесі пайдаланушылар үшін тағылымды болмақ. Мұнда қазіргі таңда бас қалада өтіп жатқан, бүкіл әлем көз тіккен ЭКСПО-2017 көрмесі жайлы да мол мағлұматтар ұсынылған. Көрме «Қолөнер» үйірмесіне қатысатын мүмкіндігі шектеулі балалардың қолдан жасалған бұйымдарымен және суреттерімен  толықтырылып, келушілердің ерекше қызығушылықтарын туғызды. Аталмыш көрме шілденің 12-не дейін жалғасады.