Авторлық әндер «Алтын Тургусунда»: халықаралық өнер фестивалі

Шілденің 7 – мен 9 аралығында «Ключ» авторлық әндер клубы Шығыс Қазақстанның Кутиха селосында өткен Александр Егоров атындағы «Алтын Тургусун» X халықаралық өнер фестиваліне қатысты. Фестивальге ТМД елдері өкілдері қатысты. Тургусун тау өзені мен гүлденген орманнан тұратын Шығыс Қазақстанның қала тіршілігінен шаршаған адам сүйсінерліктей ең әдемі жерлерінің бірі. Шараға қатысушылардың бәрі шығармашылық бірлестікте, көкорай шалғынды, салқын самалды табиғат аясында қауышқанына қуанышты болды. Фестиваль номинациясының көптігіне қарамастан басты назарда гитара болды. Көрермендер күткендей орындаушылардың жұмбақ жан толғанысын көрсетіп, бірінен бірі өткен тамаша әндер шырқалды. Семейдің өкілі ретінде «Ключ» клубының мүшелері Тимур Аубакиров, Андрей Гамбург, Сергей Назиров, пен Марат Байжанов қатысты. Сайыс қорытындысы бойынша екі қатысушы жоғары марапаттауға ие болып, Лауреаттар атағын алды, ол: Тимур Аубакиров «Жаз» әнімен, «Мен сені сүйем Қазақстан» номинациясы бойынша, ал Сергей Назиров «Өз өзіммен» әнімен «Еркін муз шабыты» номинациясы бойынша. Фестивальдің үш күні қызықты оқиғаларға, өлеңдер, көрмелер, шеберлік кластары мен әрине, фотосессияларға толы болды.