Шоқтығы биік жазушы: библиодесант

28 қыркүйек күні Абай атындағы облыстық әмбебап кітапхана қызметкерлері «Рухани жаңғыру» бағдарламасы аясында, М.О.Әуезовтың туғанына 120 жыл толуына орай қаламыздың көшелері мен демалыс орындарында «Шоқтығы биік жазушы» атты библиодесант жүргізді.

Шараның мақсаты: қала тұрғындарына М.О.Әуезовтың өмірі мен шығармашылығы жайлы толық ақпарат беру және кітапханаға жаңа оқырмандар тарту. Шара барысында М.О.Әуезовтың өмірі мен шығармашылығы туралы саябақ демалушыларымен сұхбат өткізіліп, оларға буклеттер, бетбелгілер мен шорт-парақтар таратылды. Қала тұрғындарына М.О.Әуезовтың туған күні қашан тойланып жүргендігі жайлы сұрақтар қойылды. Қатысушылардың жарты бөлігі ғана М.О.Әуезов туған күні жыл сайын 28 қыркүйекте тойланатынын білген. Сондықтан біздің библиодесант өз нәтижесін берді. Шаһар тұрғындары М.О.Әуезов жайлы, кітапхана тарихы, құрылымы туралы мағлұмат алды.

Шара соңында кітапхана қызметкерлері Абай, Шәкәрім және М.О.Әуезов өмірі мен шығармашылығына арналған «Шыңғыстаудың үш шыңы» деп аталатын сайттың бір бөлімін баяндап берді.