Веб-альбомді безендіру: шеберлік сабақ
Абай атындағы әмбебап кітапханасында 2017 жылғы 4-6 қазан аралығында кітапхана қызметкерлеріне арналған шеберлік сабағы өткізілді. Шараға 5 кітапханашы қатысты. Қатысушылар тренингте PhotoPeach.com – слайд-шоу түрінде ұсыныс материал жасайтын ақпараттық жүйе қызметімен танысты. Оның қосымша мүмкіндіктері бар: титрларды кіргізу, музыкамен сүймелдеу, бейнеролик кіргізу және қараудың әртүрлі тәсілдері ұсынылған. PhotoPeach ақпараттық жүйе қызметін кітапханашылар бөлімдер, клубтар, үйірмелер туралы слайд-шоулар жасауда, жобалар ұйымдастыратын топтық жұмыстарында, өткізілген шаралардың фоторепортажын жасауда, кітапхана сайтының айдарларын безендіруде және шараларға дайындалуда қолдана алады.
Қатысушылар сабақтың қорытындысы бойынша веб-альбомдарын құрып, алған білімдерін жақсы көрсете алды. Күтілетін нәтижеміз – кітапхана қызметкерлерінің Интернет-технологияларды білу деңгейлерінің дамуына ықпал етуі – орындалды. Тренинг қатысушылары кітапханалық қызметіне қажетті компьютерлік білімді ала алғандарына алғыс айтты.
