Рухани қазына ғасырдан ғасырға: ретро-көрме

2018 жыл – Семей қаласының іргетасына айналған бекіністің қаланғанына 300 жыл толуымен ерекшеленеді.

30 қаңтар күні «Рухани қазына ғасырдан ғасырға» ретро-көрмесіне келген №22 ОМ оқушылары орыс зиялыларының белсенділігімен жинақталған және заманында ұлы Абайдың қиялына қанат байлап, шығармашылық шабыт берген кітапхана қорындағы құнды сирек басылымдармен, бүгінгі таңда шыққан  басылымдармен танысты.

Көрмеге қойылған өлкетанушы, этнограф зерттеушілер  Н.Я.Коншиннің Семей өлкесіне арналған «О памятниках старины в Семипалаитснкой области», «Очерк экономического быта киргиз Семипалатинской области», Б.Герасимовтың «Ссыльные поляки в Семипалатинской области», «Старинные церкви Семипалатинской области» зерттеу мақалалары, қазіргі зерттеуші ғалымдарымыз В.Кашляктың  «Летопись Семипалатинских улиц», «Семипалатинск. Три века истории»,  «Семипалатинск: их именами названы», «Храмы Семипалатинска: прошлое и настоящее», «Семипалатинск: от бургомистра до Акима», «Печать Семипалатинска 1863-1963 г.г», «Семипалатинские арабески» кітаптары,    тарих ғылымдарының докторы  Ж.Қасымбаевтың «Семей қаласының тарихы (1718- 1917 жж.)», қаламгер Д.Сейсенұлының «Семей елі, Семей жері» т.б. кітаптар көрменің мазмұнын аша түсті. Осыдан жүз, екі жүз жыл бұрын жарық көрген кітаптар жас оқырмандарын таңданданыстарын туғызғаны анық. Көпшілігі мұндай көне кітаптарды алғашқы рет көріп отыр.

Абай атындағы кітапхана пайдаланушылары  мен қонақтары   «Рухани қазына ғасырдан ғасырға» атты  ретро-көрмесін  жыл бойы тамашалап таныса алады.  Өскелең жас ұрпақ үшін өлке тарихын танып білуде  көрменің тағылымдық-тәлім тәрбиесі зор.