Ғажайып әйел портреттері: кітап миксі

  • 02.03.2018

Қай жерде, мейлі, қай елде

Әлемнің мәні – Әйелде.

Шын мықты болсаң оныңды

Әйелге барып дәлелде!

 

Әйелдерді қай уақытта болмасын, бар  халықтың ақын-жазушылары жырлап өткен. 2 наурыз күні «Қайнар»колледжі студенттерінің ұйымдастыруымен  «Ғажайып әйел портреттері» әйелдер  туралы кітаптарға саяхат атты кітап миксі жасалды. Әйел бейнесі Жүсіпбек Аймауытовтың «Ақбілек», Ғабит Мүсіреповтың «Ұлпан», Шыңғыс Айтматовтың «Жәмилә», Сұлтанмахмұт Торайғыровтың «Қамар Сұлу», Сәбит Мұқановтың «Ботагөз» поэмалары мен Фариза Оңғарсынованың өлеңдерінен алынды.  Бұл әйел бейнесі – махаббатты,сұлулықты, батырлықты сипаттайды. Қазақ әйелінің бейнесін Мәншүк Мәметова мен Әлия Молдағұлова есімдерінсіз жеткізу мүмкін емес, ол бейнелер  Ш.Сыздықовтың  әңгімесінде орын алған. Ана бейнесі Г. Сейтжанның «Ана жырлары» пен Ә. Шалабаеваның «Ана шырағы» шығармаларында жақсы суреттелген. Студенттерге ерекше әсер берген Фариза Оңғарсынованың өлеңдері болды, өйткені оның өлеңдерінде жан мен тәннің сұлулығы, әйел махаббатының пәктігі,  тартылымдылықты жырланған.

Келе жатқан 8-наурыз  Халықаралық әйелдер күнімен барлық шын жүректен құттықтаймыз, жылулықпен махаббат тілейміз!