Қызықты кітаптар шежіресі: көрменің тұсаукесері

Шығыс Қазақстан облыстық Абай атындағы әмбебап кітапханасында 2013 жылдың 14 сәуірінде «Баспа ісінің шежіресі» тақырыптағы сирек басылымдар көрмесінің тұсаукесері ұйымдастырылды.

Өткізілген күні: 14 сәуір 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: транспорт колледжінің студенттері мен кітапхана оқырмандары. Қатысушылар саны: 25 адам. Шараның мақсаты: кітапханамыздың сирек қорында сақталған кіші форматттағы және әсем безендірілген әдебиеттермен оқырман қауымды таңыстыра отырып, жастардың кітапқұмарлығының артуына ықпал ету. Күтілетін нәтиже: кітап көрмесіне қойылған кітаптарға қатысты қызықты жайттармен таңыстыра отырып, сабақтарына керекті мәліметтерді табуларына көмек көрсетіп, кітапханаға тарту.

Шығыс Қазақстан облыстық Абай атындағы әмбебап кітапханасында 2013 жылдың 14 сәуірінде «Баспа ісінің шежіресі» тақырыптағы сирек басылымдар көрмесінің тұсаукесері ұйымдастырылды. Осы шара барысында аталмыш көрмеге қойылған әдебиеттерге шолу жасалды. Көрмеден кітапханамыздың қорындағы кіші форматты кітаптар мен ең ерекше безендірілген Жамбыл Жабаевтың, екі мәрте Социалистік еңбек Ері атанған Ыбырай Жақаевтың «Қанатты сөздері», Кеңес Одағы кезіндегі 15 Одақтық Республикалардың ақындарының еңбектері мен шіркеулік әуендер, икон жазушысы Иван Голиковтың әсемдеген кітаптары, ХІ ғасырдағы Ресей мәдени ескерткіші «Изборник Святослава» атты кітаптың факсимильдік нұсқасы және И.В.Сталиннің еңбектері орын алды. Көрме оқырмандардың қызығушылығын тұдырды. Тұсаукесер соңында қатысушылар осындай бай қормен танысқандарына ризашылықтарын білдіре отырып, келешекте де осындай шараларға шақыруымызды сұрады.