Бір шаңырақ астында: этнографиялық достық кеші

1 мамыр күні Қазақстан халқы Қазақстандағы халықтар достастығы күнін тойлайды. Қазақстан Республикасында 130 дан аса ұлт өкілдері тату тәтті өмір сүруде. Бұл мейрам көпұлтты мемлекеттің біртұтастығымен салт-дәстүрлері, тарихының қымбаттылығымен ерекшеленеді.

Осы даталы күнге орай 24 сәуір күні Абай атындағы кітапханада «Бір шаңырақ астында»атты Қазақстандағы Өзбекстан жылына орай этнографиялық достық кеші өтті. Іс-шараға қатысқан Семей Еуразиялық техника-гиманитарлық колледжінің студенттерін Қазақстан халқының салт-дәстүрлері, Қазақстан халқы Ассамблеясының жұмыстары, мәдени-этнографиялық орталықтар туралы және Өзбек халқы ақындарының көркем-әдеби кітаптарынан арнайы дайындалған кітап көрмесі қарсы алды. Шараға «Буюн Кележак» өзбек әлеуметтік-мәдени орталығының өкілдері қатысты. Қазақстан мен Өзбекстан халықтарының достық қарым-қатынасы туралы және салт-дәстүрлердің ұқсатығы туралы бейнеролик көрсетілді. Технолгиялық колледж студенттері және өзбек мәдени орталығы мүшелерінің орындауындағы өзбек тілінде орындалған өлеңдер мен билер іс-шараның көркін енгізді. Қазақ және өзбек халықтарының ұлттық ойыны «Арқан тартуға» барлық қатысушылар белсене қатысты.

Кеште «Біртұтас ұлт – іргесі ажырамайтын шаңырақ» атты кітап көрмесі ұйымдастырылды.