«Абай әлемі» кітаптар топтамасы

  • 12.11.2018

Елбасының «Рухани жаңғыру» бағдарламасы бойынша ШҚО әкімдігінің қолдауымен Астана қаласындағы «Фолиант» баспасынан «Абай әлемі» кітаптар топтамасы бойынша шығыс өңірі авторларының кітаптары жарық көруде. «Абай әлемі» жобасының мақсаты:  Қазақстананның мәдениеті мен әдебиетінің дамуына ықпал ету, туған өлкемізден шыққан ұлы тұлғаларымыз бен  танымал ақын-жазушылардың туындыларын қайта жаңғыртып шығару,  оқырмандарға әйгілеу, жастарға үлгі ету және Отансүйгіштікке тәрбиелеу. Бес жылға арналған жоба  2018-2022 жылдар аралығында жүзеге асырылады. Жоба аясында жыл сайын жаңа кітаптар шығарылып, оқырман қауым жаңа есімдермен танысады.

Ақын-жазушылардың шығармаларын бағалау және жариялау жөніндегі кеңеске жазушы КСРО-ның Жазушылар Одағының мүшесі, Қазақстан Жазушылар Одағының мүшесі, «Құрмет» орденінің иегері Медеу Сапаұлы Сәрсеке жетекшілік етуде.  Жобамен  Қазақстан Жазушылар одағының мүшелері, ЖОО ғалымдарынан құралған жұмыс тобы және бірқатар мәдени мекемелер айналысуда.

Жоспар бойынша биылғы жылдың соңына дейін «Абай әлемі» кітаптар топтамасының аясында 10 автордың 16 кітабы (барлығы: 13689 дана кітап) 38 754 960,75 теңгеге жарық көрді.

Биылғы жылы А.Құнанбайұлы шығармаларының 1-2 томы қазақ, орыс тілдерінде, Ш.Құдайбердіұлы шығармаларының 1-2 томы қазақ тілінде, М.Әуезовтің «Путь Абая» роман-эпопеясы 1-4 томдары орыс тілінде, Т.Көбдікұлының «Атандым өз тұсымда Ақын Төлеу» шығармасы қазақ тілінде, Ф.Достоевскийдің «Семипалатинский период» (1854-1859 гг.) шығармасы орыс тілінде, «Әнші Әміре» естеліктер жинағы қазақ және орыс тілдерінде, балалар жазушысы М.Қабанбаевтың шығармалары, М.Сәрсекенің «Взрыв», «Клад» романдары, А.Ивановтың «Тени исчезают в полдень» романы мен  Б.Щербаковтың шығармалары орыс тілінде жарық көрді.

«Абай әлемі»  кітаптар топтамасының таныстырылымы Өскемен қаласында облыстық драма театрда ҚР Премьер министрі Б.Сағынтаевтың қатысуымен Елбасының кезекті Жолдауын таныстыруға арналған  шарада, Өзбекстан астанасы Ташкент қаласында ұлы Абайдың туғанына 173 жыл толған мерекеде, Шәкәрімнің туғанына 160 толуына арналған Абай ауданында өткен шарада және мен «Ақ Ертіс» классикалық музыкасының IV Халықаралық фестивальінде ұйымдастырылды.

Кітаптарды оқуға қызығушылық танытқан оқырман қауым  алдағы уақытта бұл кітаптарды шығыс өңірі кітапханаларының қорынан және цифрлы нұсқасын ҚР ҰЭК қорынан тауып оқи алады.