«Абай жолы» кітапханасы жобасы
«Абай жолы» кітапханасы жобасы Абай облысының әкімдігінің қаржыландырумен 2023 жылдан бастап іске асырылып келе жатқан 5 жылға (2023-2027) арналған әдеби жоба.
Жобаның негізгі мақсаты Қазақстанның тарихи-мәдени, әдеби дамуына ықпал еткен туған өлкемізден шыққан тұлғалардың (қаламгерлер, өнер адамдары) туындыларын қайта жаңғыртып, оқырмандарға ұсыну, жастарға үлгі ету.
Жобаға қойылатын талаптар бойынша өңірден шыққан қаламгерлердің көркемдік, ғылыми-танымдық озық туындылары, өңірдің тарихы, өнері, ежелгі заман ескерткіштері жайлы еңбектер, туризмді дамытуға байланысты ұлылар (Абай, Шәкәрім, Мұхтар) жүрген жолдар бойынша шығармалар, архив деректерімен ғылыми негізделген еңбектер жарыққа шығарылады. Жобаның басым бағыты көркем әдебиетке негізделген.
«Абай жолы» кітапханасы жобасы 2023 жылы 16 атаулы кітап (әр атаулы кітап 500 данамен) барлығы 8 000 дана, 2024 жылы 20 атаулы кітап (әр атаулы кітап 500 данамен) барлығы 10 000 дана, 2025 жылы қараша айында 25 атаулы кітап (әр атаулы кітап 500 данамен) жарыққа шықты.
2023-2024 жылдары жарық көрген кітаптар Абай облысы қаржы басқармасының арнайы бұйрығымен облысымызға қарасты 137 кітапхананың қорына түсті. Кітаптардың цифрланған нұсқасы «ҚР Авторлық құқық және сабақтас құқықтар туралы» Заңына сәйкес құқық иеленушілермен келісімшарттар жасалып, Қазақстан Ұлттық электронды кітапханасының қорына орналастырылды.
Үйлестіруші: Аязбаева Гүлмира Мұратқызы
Директордың кітапхана ісі жөніндегі орынбасары
Тел.: 8 (7222) 56 10 76
E-mail: ayazbaeva70@mail.r