«Еліміздің негізгі рәміздері»: ақпараттық сағат

3 маусым күні Абай кітапханасының қызметкері «Шығыс» өңірлік қолбасшылығы әскерлерінің басқармасына арнайы барып, ҚР Мемлекеттік рәміздер күніне орай «Еліміздің негізгі рәміздері» атты ақпараттық сағат өткізді.
Мемлекеттік рәміздер – Ту, Елтаңба және Әнұран – Қазақстан Республикасының егемендігі мен тәуелсіздігінің нышаны. Олар халқымыздың өткені мен бүгіні, болашағы арасындағы рухани сабақтастықтың символы болып табылады.
Шара Қазақстан Республикасының Әнұранын орындаумен басталды. Одан әрі кітапхана қызметкері еліміздің жүріп өткен тарихи жолы, тәуелсіздік алған жылдардағы және қазіргі экономикалық, әлеуметтік және саяси өмірі, мемлекеттік рәміздердің авторлары туралы баяндады. Сондай-ақ, ақпараттық сағатқа арнайы кітап көрмесі жасақталды. Онда Қазақстан Республикасының Конституциясы, К. Ерофеевтің «Символы казахской государственности», Е. Шаймерденовтің «Қазақ елінің рәміздері», «Елтаным», «Қазақстан Республикасының мемлекеттік рәміздері. Тәуелсіздік нышандары» және басқа да басылымдар қойылды.