Наурыз – татулық пен сыйласымдылық мейрамы: ойын- сөзжұмбақ
2016 жылдың 20 – наурызы күні Абай атындағы кітапхананың оқырмандарға қызмет көрсету бөлімі қызметкерлері № 5511 әскери бөлімшесінде «Наурыз – татулық пен сыйласымдылық мейрамы» атты іс-шара ұйымдастырды.
Шара тартымды әрі мерекелік көңілде өткізу үшін ойын- сөзжұмбақ түрінде өткізілді. Қатысушыларға Наурыз мейрамы туралы ақпарат айтылып, оны бұрында және қазіргі уақытта қалай тойлап жатқандығымыз туралы мәселелер қозғалды. Әскери қызметкерлер өз көзқарастарын білдіріп, ойларын ортаға салды. Жаңа көктемнің басы, әз Наурыз туралы әскерилердің жан-жақты білетіндіктерін көру мақсатында ойындар ойнатылып, сөзжұмбақтар жасырылды. Әскери қызметкерлер бұл мейрам туралы өздерінің жоғары дәрежеде білетіндіктерін көрсете отырып, кітапхана атынан сыйлықтарға ие болды. Іс-шара «Түркі халықтарының көктем мерекесі-Наурыз» атты этно – көрмемен толықтырылды. Көрмеде қазақ және түркі тілдес ұлттардың салт-дәстүрінен сыр шертетін әр жылдарда жарық көрген кітаптар, суретті альбомдар мен қолөнер бұйымдары қойылды.