Фотосурет сабағы: тренинг
2016 жылдың 29 наурызында Абай атындағы кітапханада мүмкіндігі шектеулі адамдарға арналған «Объектив» фотоклубының «Фотосурет сабағы» атты тренингі болып өтті.
Жарты жыл уақыт ішінде фотоклуб мүшелері сапалы фотосурет жасауды, объектіге күн мен көлеңкенің түсуі және тағы басқа жақсы суреттің шығуына қажетті дағдыларды меңгеріп алды. Бүгін де олар пікірлерімен бөлісіп, тағы қандай фотосессияларға қатысқылары келетіндерін айтып, өз ұсыныстарын жасап жатты. Тренинг барысында фотоклуб мүшелерінің өткен сабақтарда жасаған фотосуреттері талқыланды. Олар өз жұмыстарын көріп, кемшіліктері мен жетістіктерін айтып жатты. Ал кітапхана қызметкерлері жасалған фотосуреттерден слайд-шоу жасап үйрену бойынша жаңа тақырып ұсынды.