Жақсылық жаса!: қайырымдылық акциясы

  • 14.04.2016

Абай атындағы кітапхана Семей қаласының ішкі саясат бөлімімен бірге 23 сәуір – Бүкіләлемдік кітап және авторлық құқық күні қарсаңында «Жақсылық жаса!» акциясын өткізді.

Акцияны өткізудегі мақсат – түзету қолонияларының кітап қорын көркем әдебиеттермен, өлкетану және ғылыми-көпшілік т.б. әдебиеттермен толықтырып, жаңарту. Қисық кетіп, қапасқа түскендер темір тордың арғы жағындағы тыныс-тіршілікті кітаптан, мерзімді басылымдардан оқып біледі, сондықтан да кітапхана мереке қарсаңында қаламыздағы 156/14 (№11- колония) мен 156/15 (№35- колония) жазасын өтеушілер колонияларының кітапханаларына жиына 300-ге жуық кітапты сыйға берді.

IMG_0160

156/14 мекемесінің юстиция капитаны, сотталғандар арасында тәрбие беру жұмысының бастығы Б.А.Ахметжанов және 156/15 мекемесінің юстиция майоры, сотталғандар арасында тәрбие беру жұмысының бастығы М.К. Иксановтар кітапхана ұжымының сыйға берген кітаптары темір тордың ар жағындағы азаматтарға үлкен рухани көмек береді, әр басылым өз оқырманын табады деген сенімдерін білдірді.