Ұлт-азаттық көтерілісіне – 100 жыл: кітап көрмесі

  • 14.04.2016

Қазақ тарихында ерекше орын алған тарихи оқиға арналып 14 сәуір күні кітапханда «Ұлт-азаттық көтерілісіне – 100 жыл» атты кітап көрмесі ұйымдастырылды.

Көрменің мақсаты: 1916 жылғы көтерілістің отаршылдыққа, империализмге қарсы сипатын және ұлт-азаттық соғысқа ұласқанын түсіндіру. Отаршылдыққа қарсы ұлт-азаттық көтеріліске талдау жасап, топтамалар арқылы оқушылардың ой-өрісін дамыту. Жас ұрпақтың бойына ұлтжандылық, отаншылдық тәрбие бере отырып, халқымыздың басынан өткен қатпарлы тарихын ден қойып оқуға тәрбиелеу.

34

Көрмеге қойылған әдебиеттерге шолу барысында оқырмандар 1916 жылғы ұлт-азаттық көтерілісінің тарихи маңыздылығы, ұлттық және саяси азат ету жолындағы көтерілістің басты міндеттері, көтерілістің саяси бағыты, еркіндік пен тәуелсіздік жолындағы шешімі жөнінде ақпараттар алды.

Аталған көрмеге кітап қорындағы Д.Жамбыловтың «Қазақстандағы ұлт-азаттық қозғалыс», А.Нұрқановтың «Халық батыры», «Қазақ ұлт-азаттық қозғалысы» атты жинақ, Аманкелді Иманов: мақалалар, документтер, материалдар, З. Мұхамеджановтың «Торғай комиссарлары» әдебиетер, мерзімді басылымдар беттерінде жарияланған мақалалар интернет ресурстар, фотосуреттер қойылды. Кітап көрмесі сәуір айының соңына дейін кітапхана пайдаланушыларының назарына ұсынылмақ.