«Гид»: клуб басқосуы

  • 16.04.2016

2016 жылы 16 сәуір күні Абай кітапханасы шетел әдебиеттер бөлімінің ұйымдастыруымен құрылған «Гид» ағылшын клубының алғашқы отырысы болып өтті.

Клубтың негізгі мақсаты: туған өлкеміздің тарихы мен мәдениеті жайлы ағылшын тілінде жетік түрде оқу және сөйлеу.

Алғашқы отырыс клуб мүшелерімен танысудан басталды. Клубтың ашылуына қызығушылық білдірушілердің Шәкәрім атындағы Семей университеті, ҚазИГЗУ, көпсалалы колледж студенттері және мектеп оқушылары екендіктері анықталды.

Отырыста жер-жерге саяхат жасаудың қыр-сырын меңгеру үшін, оның әдіс-тәсілдерін үйрену қажет екендігін білетін келушілер назарына «Гид мамандығы туралы» атты арнайы фильм ұсынылды. Шараға қатысушы «Жасұлан» ерлер лицейінің ағылшын тілі оқытушысы Н.Н.Зелинская аталмыш мамандық туралы ағылшын тілінде ақпараттар дайындап, үйірме мүшелеріне жеткізе білді.

04

Іс-шара кітапхананың бірінші қабатында орналасқан танымал ғалым Қ.Мұхаметхановқа арналған көрмені таныстырумен жалғасты. «Гид» ағылшын клубы мүшелері келісімге келе отырып, клуб отырысы әр аптаның сенбі күндері сағат 14.00- те өткізіліп отыратындығы бекітілді.

Құрметті қала тұрғындары, туған өлкеміздің тарихы мен мәдениеті жайлы ағылшын тілінде жетік түрде оқып үйреніп, сөйлеу үшін «Гид» ағылшын клубына шақырамыз!

Біздің клуб, Сіздің ағылшын тілінде тіл ұстартуыңызға көмектеседі!