Бүкіләлемдік жер күні: ақпараттық сағат

19 сәуір күні Абай атындағы кітапханада «Американдық сөре» шеңберінде 22 сәуір – «Бүкіләлемдік жер күніне» арналып ақпараттық сағат ұйымдастырылды.

«Бүкіләлемдік жер күні» мерекесін атап өтудің негізгі мақсаты: балаларды табиғатты, қоршаған ортаны қорғауға тәрбиелеу.

Бұл атаулы мереке жыл сайын әлем бойынша аталып өтеді, ал қоршаған ортаны қорғау ісіне бүкіл адамзатты біріктіру мақсатында халықаралық шара ретінде 1990 жылдан бастап өткізіліп келеді. Бұл күн АҚШ-да 1970 жылдан бастап дәстүрлі түрде өткізілуде. АҚШ-да көктемнің алғашқы күндерінде бастауыш сынып оқушыларының қатысуымен жаппай ағаш отырғызумен басталады. Іс-шара барысында қатысушылар Жер анаға арналған өлең-жырларын ағылшын тілінде орындады. Сонымен қатар келушілерге «Бүкіләлемдік жер күнінің» шығу тарихы туралы толық түрде мәлімет берілді. «The Earth Day» атты слайдшоу дайындалып, пайдаланушылар назарына ұсынылды. Іс-шара соңында мақал-мәтелдерден, жаңылпаштардан сайыс ұйымдастырылып, жеңімпаздар анықталды.