Өлкетану – қазақстандық ұлтжандылыққа тәрбиелеу жолдары: семинар

  • 19.04.2016

19 сәуір күні «Прииртышье» өлкетану қоғамы және Абай атындағы кітапхананың ұйымдастырумен «Өлкетану – қазақстандық отансүйгіштікке тәрбиелеудің жолы» атты тақырыпта қала мектептерінің тарих пәнінің мұғалімдеріне арналып өлкетану семинары өткізілді.

Шара барысында өлкетануға байланысты кітапхана сайтындағы ақпараттар мен облыстық тарихи өлкетану музейінің тарихына байланысты қызықты мәліметтер қатысушылар назарына ұсынылды.

26

Кітапхана қорында сақталған ХІХ ғасырдың соңы, ХХ ғасырдың басында шыққан тарих, экономика және Семей қаласының өнеркәсібіне арналған сирек басылымдар қонақтардың үлкен қызығушылығына ие болды. Кітапхана сайтында орналастырылған өлкетануға байланысты әдебиеттердің толық мәтінін электрондық каталогтан іздеу жолдары көрсетілді. Аталмыш шараға «Кітапхананың өлкетану ақпараттық ресурстары» атты кітап көрмесі жасақталып, қатысушылар назарына ұсынылды.