«Әлемнің Абайы, қазақтың дана ойы», «Ұлы Абайдың жиені»: кітаптарының тұсаукесері

20 сәуірі күні Абай атындағы әмбебеп кітапханасының ұйымдастыруымен қазақтың ұлы ақыны Абай Құнанбаевтың жиені, Республикалық Абай қорының президенті, Абай ауданының және Семей қаласының құрметті азаматы, «Қазақстанның Құрметті журналисі» Балтабек Ерсәлімовтің құрастыруымен шыққан «Әлемнің Абайы, қазақтың дана ойы» және «Ұлы Абайдың жиені» атты кітаптарының тұсаукесері өтті.

Шараға қаламыздың зиялы қауымы, бұқаралық ақпарат құралдарының өкілдері және педагогикалық колледждің студенттері, кітапхана пайдаланушылары қатысты.

Республикалық «Абай қорының» қолдауымен оқырманға жол тартқан екі кітапқа мазмұнды жасалған шолудан кейін, сөз алған қонақтар Абай қорының президенті О.Кәрібжанов, Достық үйінің директоры А.Тлеубаев, облыстық тарихи-өлкетану мұражайының директоры Б.Теміров Балтабек Бәзілұлының игіліктері істері мен шығармашылық қызметі туралы айтты. Шараға қатысушыларға ән-жырдан шашу шашылып, Б.Ерсәлімовтің өмір кезеңдеріне арналып жасалған слайд көрсетілімі ұсынылды. Шара соңында автор кітапхана қызметкерлеріне ризашылығын білдіріп, қолтаңбасы қойылған кітаптарын сыйға тартты.