Шетелдік қонақтар кітапханада: кітапханаға саяхат

  • 21.04.2016

21 сәуір күні Абай атындағы кітапханада Германиялық докторлар- Horst Langer, Gerd Homberg есімді шетелдік азаматтар қонақта болды. Доктор Gerd Homberg – SES эксперт қорының директоры.

Олардың қалаға келу мақсаты: білім жүйесіндегі электронды құралдар мәселесімен танысу. Horst Langer, Gerd Homberg – «Learning жаңа технологиялар» бойынша модераторлар.
Шетелдік ғалымдар кітапхананың бөлімдерінде болып, кітапхана тарихы мен қызмет бағыттарынан ақпараттар алды. Қазақтың біртуар ұлы – Қ.Мұхаметхановқа арналған арнайы көрмемен таныстырылып, шолу жасалды. Сонымен қоса қонақтар «Абайдың рухани орталығында» болып, Абай заманында жарыққа шыққан, Абай оқыған сирек басылымдармен танысып, оған қызығушылықтарын білдірді.

IMG_1018

Оқытушы Horst Langer, Gerd Homberg мырзалар Америка сөресі, шетел әдебиеті бөлімінде болып, кітап қорындағы әлем тілдеріндегі әдебиеттер мен мерзімді басылымдармен танысты.

Қонақтарға кітапхана туралы дайындалған ақпараттық буклеттер сыйға тартылды. Horst Langer, Gerd Homberg мырзалар кітапхана ұжымына зор алғыстарын білдіре отырып, болашақта келетіндіктерін жеткізді.