Кітап – ақыл ойдың айнасы: ашық пікірталас

  • 22.04.2016

Кітап – барлық білімдердің басын бір жерге тоғыстырып, кез-келген сәтте көмекке келетін ерен күш, әрі білімді жетілдіріп, жан-жақты ізденіп, тіл байлығын дамытып, саналы да білімді адам шығаруда таптырмайтын баға жетпес дүние.

Халықаралық кітап және авторлық құқық күнін атап өту барысында Абай кітапханасының қызметкерлері 22 сәуір күні орталық алаңда «Кітап – ақыл ойдың айнасы» атты ашық пікірталас өткізді.

Кітапқа байланысты ашық пікірталас болғандықтан өзін рухани баймын деген азаматтар, қала тұрғындары, орталық алаңдағы демалушылар осы іс-шараға белсенді түрде қатысты. Басты мақсат – оқырмандарды әдебиетке жақын болуға, кітап оқуға үндеу, адам өмірінде кітаптың алар орны ерекше екенін түсіндіру, «кітап – білім бұлағы, ал білім – өмір шырағы» екенін ұғындыру.

22q

Бүкіләлемдік кітап және авторлық құқық күні туралы идея 1995 жылдың 23 сәуірі күні пайда болды, қазір ол 100 астам елді қамтиды. Идеяның мақсаты – әлемдегі кез келген жастағы адамдарды кітап оқуға ынталандыру. Мерекенің жыл сайынғы атап өтілуі кітап адамның ой-өрісін кеңейтіп, оның мүмкіндігін шексіз ететінін, жақсы өмір сүруге жол ашып, бейбітшілікті сақтауға көмектесетінін көрсетеді. Осы бір ерекше күні бүкіл әлемдегі кітаптар мен авторларға құрмет көрсетіліп, кітап оқу дәстүрі мадақталады.

Өткізілген іс-шарағы қатысушылар өздерінің білімділігін көрсете білді. Берілген тапсырмаларға, қойылған викториналық сұрақтарға, мақал-мәтелдерге, сөзжұмбақтарды шешуде өте жақсы жауап беріп, белсенділік танытты. Іс-шара барысында оқырмандарға буклеттер, ақпарат парақтары таратылды.