Қазақ жеріндегі Ислам: кітап көрмесі

Қазақ даласына ислам діні VII ғасырдың басында арабтардың Орта Азияны бағындыруы нәтижесінде кіре бастады. Шындығын айтқанда, ислам діні Қазақстанға күштеп енгізілген жоқ.

Ислам діні халықты рухани жағынан болсын, саяси жағынан болсын мығым ұстай алатын мемлекеттік дін бола алды. Исламның терең тарихы бар Көне Қазақстан жеріне келуі мәдениеттің дамуына, қоғамымыздың өзіндік санасы мен руханилығы игі ықпал еткені баршаға аян. Бала шыр етіп, жарық дүниеге келген күннен имандылықта бойына сіңіру, мектепте де, жоғарғы оқу орындарында да мұны талассыз жүргізіп отыру бүгінгі күннің өзекті мәселесі екенін айтуға болды.

26 сәуір күні кітапхана пайдаланушыларына қазақ жеріндегі ислам дінінің қалыптасу тарихын, оның негізгі бағыттары мен құндылықтарын насихаттау және ақпараттар беру мақсатында «Қазақ жеріндегі Ислам» тақырыбындағы кітап көрмесі ұйымдастырылды.

Көрмеге исламды қабылдап, асыл дінімізді байыта түскен бабаларымыздың рухани мұралары қойылған. «Ислам ынтымақ пен бірлік жолында», «Дінтану негіздері», «Ислам ғылымхалы» сынды кітаптар мен мерзімді басылым беттеріндегі мақалаларға шолу жасалынып, оқырмандарға құнды мәліметтер ұсынылды.