Халықтың қуаты – бірлікте!: ақпараттық мінбе

  • 29.04.2016

Жыл сайын 1 – мамыр Қазақстан халықтарының бірлігі күні мерекесі Қазақстан аумағында тұрып жатқан 130-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды.

29

Аталмыш мерекеге орай Абай атындағы кітапхана қызметкерлері 29-сәуір күні Затон аудандық ішкі істер бөлімінде «Халықтың қуаты – бірлікте» тақырыбында дәріс өткізді.

Дәріс барысында Ішкі істер бөлімінің қызметкерлеріне 1886 жылы Чикагода болған америкалық еңбекшілердің 8 сағаттық жұмыс күнін талап ету мақсатында 1 мамыр еңбекшілердің ынтымағы мерекесі ретінде даму тарихынан, елімізде 1995 жылы 18 қазанынан бастап Президентіміздің Жарлығы бойынша 1 мамыр – Қазақстан халқының бірлігі күнінің аталып өтілуі және Қазақстан халқы Ассамблеясының қызмет бағыттары жайында мәліметтер берілді. Кітапхана қызметкерлері тыңдаушылардың тарапынан қойылған сауалдарға жауап берді.

Шара соңында «Қазақстан – бейбітшіліктің алтын бесігі» атты кітап көрмесіне қойылған әдебиеттер мен мерзімді басылымдар беттеріндегі жарияланған ақпарттарға шолу жасалынды.

Бірлігіміз жарасып, еліміз тыныш болып, бейбіт өмірде күн кешейік.
Мереке құтты болсын!