Жастарға экологиялық және патриоттық тәрбие берудегі кітапхананың көмегі

  • 29.04.2016

Семей қаласында алты жылдан бері жастарға экологиялық және патриоттық тәрбие беру мақсатында аймақтық слеттар өткізу дәстүрге айналған. 28 – сәуір күні «Экологиялық топ – 2016 және оқушылардың орман шаруашылығындағы слеті» және 29 – сәуір күні «Қала колледждерінің слеті» өтті.

Шараны ұйымдастырушылар Абай атындағы кітапхана, «Исток»жастар мен балалар шығармашылық орталығы» қоғамдық қоры, «Семей орманы» мемлекеттік мекемесі, Биоорталық, «Прииртышье» өлкетану қоғамдық қоры, Семей қалалық әкімдігінің білім бөлімі мен ішкі саясат бөлімі. Ұйымдастырылған шараның мақсаты экология мәселесіне жастардың назарын аудару, табиғатты танып-білуге деген білімдерін, шығармашылық ойлау қабілеттерін арттыру. Шара барысында қабырға газетін шығару, қолдағы бар материалдардан бұйымдар жасау, ормандағы кедергілерден өту конкурстары ұйымдастырылды. Слет орман ішінде орналасқан №46 өрт сөндіру бөлімінің аумағында өткізілді. Конкурстардың барлығы орманның ішінде өткендіктен балаларға белгіленген 13 межеге жету үшін тез қозғалуларына тура келді. Слеттің қорытындысы бойынша қатысушылар «Семей Орманы» атынан алғыс хаттармен марапатталып, естелік сыйлықтар берілді.

01
Бірінші күні өткен слетке 8 топ қатысты, оның 5-еуі Семей орманы ұжымы және №18 мектеп ұжымы. Жарыс қорытындысы бойынша 1 орынды «ВИЗО Бөкебай орман шаруашылығы» командасы, 2 орынды «Мостик» Долон филиалы, 3 орынды «Жас орманшы» Жаңасемей филиалы иеленді.

02Екінші күні ұйымдастырылған слетке қаламыздағы 7 колледж студенттері қатысып, 1-орынды М.Әуезов атындағы педагогикалық колледж алды. 2-орынды ШҚО технологиялық колледжі иеленсе, 3-орынды Радиотехника және байланыс колледжі қанжығасына байлады.
Дәстүрге айналған слетке қатысушылар санының жылдан-жылға артып отырғандығы мектеп оқушылары мен ұстаздары арасында осы шараның маңыздылығының нығаюын көрсетеді.